كل وحدة تفيدنا بافكار عن المطبخ

سلام عليكم ورحمة الله وبركاته
واش رايكم لبنات كل وحدة تقولنا كيفاش تتعامل مع المطبخ تاعها
او تمدلنا معلومات او اشياء جديدة باش نستفادو منها
مثلا انا عندي مشكل مع تخزين الاواني في المطبخ
انا كارية شارية مرفع مي صغير وماراحش يرفدلي كلش
شكون تمدلي فكرة ياريت يكون بصور

انا شخصيا عندى نفس المشكل عندى بيت وكوزينة وصغار انا وبنى وراجلى ضيق قتلنا

والكوزينة حاط فيها الكوشة والغسالة والفرجدار وزيد خزان ماء صغير والماعن المنهحتاجهمش خبيتهم فى دار سلفى وخليت مغير شوى للاستعمال وربى يفرج ونتمنى نستفيد من البنات

اسمحولى على الاطالة

بسم الله الرحمان الرحيم.
السلام عليكم
انا تانى اعانى من ضيق المطبخ.لكن عندى تحت البوطاجى بلاكارات وضعى فيها الطناجر و عندى مرفاع كبير واضعى فيه الصحون فى اليمين (الصحون التى استعملها دائما) و هدى الصحون تع الجواز ولكن فى الجهة الثانية واضعى صحون السلاطة وفى الوسط حطى الفناجيل تع القهوى و كؤوس الماء ومن فوق المرفاع حطى بلارات و انت اوضعى قدرة و كسكاس وفوق الثلاجة حطى الكوكوت والاوانى الاخرى حطتهم فى بلاكار كبير فى غرفة..نسيت الكسارن معلقتهم فى المرفاع.ماعنديش الصور كى نوجدهم نحطهم...يعنى بالمختصر الكلام الحل هو البلاكار

اااااهههههههه

اما انا

دايره شومبرا فيها الخرد وزدت معاهم الماعن تاع العرضات و الحطات

اما ما عن تاع دايمن راني حاطه اغلبهم تحت الدروج انا ما عديش الضيق بصح الدار اللي راني كاريتها ما فيهاش لي بلاكار

ة هاذي حاله الكراي

ربي يفرج علينا كامل

لما استاجر البيت تكون لي عودة

تحياتي حبيباتي

بسمك اللهم
موضوع جميل فراشات يخليك لينا

علي حساب واش شفت رانا كامل نعانيو من نفس المشكل
انا تعاملت معاه درت مرفع في البلاكار تحت البوتاجي حطيت فيه واش نستعمل دايما والباقي عندي بلاكار حطيتهم فيه

سلام حبيباتي
راني رجعت حبيبتي ثورية وراتلي كيفاه نقدر نحطلكم صور في المنتدي نشكرها بزاف ويريت مجهودي يعجبكم
جبت مجموعة صور توضحلنا كيفاه نتعاملو مع فوضي مطابخنا وننظموها انا اول مرة نجيب صور ياريت تظهر ونستفيدو منها كامل

سلام يابنات الصورة الثانية غلطة في الدفاع ولخرين ماخرجوش

اهلا فروشة توحشتك
انا تاني كوزينتي صغيرة
الماعن دايرتهم تحت البوتاجي و لي جدد و تاع غير مناسبات مخبيتهم فالشمبرة و الباقي فالاليمونت
ولي معلق راه معلق
صراحة انا تاني عندي مشكل في المطبخ مزال ما هوش منضم

http://www.gulfup.net/uploads/13620591581.docx

ياريت هذي المرة تصلح ولا راح نبطل ومانجيبش مواضيع ياتورية

ما شاء الله موضوع مميز شكرا غاليتي على الطرح


ها هو مطبخي
[img][/img]

شوفوا انا ساكنة في سكن وظيفي المطبخ تاعي ضيق فيه تقريبا 2 متر / 3 متر فيه طاولة ب 4 كراسي و حاطة ثلاجة و غسالة الصحون بما أنني عاملة ليس لدي الوقت الكافي للوقوف امام هرم الواني هههههههههههههههه
و المفيد هنا أنني حاطة فيها الواني اللي نستعملها 2 في 1 تغسل و تخبي ههههههههههه
من بعد تحت المغسل عندي خزائن و هذا المكان دائما يكون مبلول و رائحته شوية غريبة إذن حاطة فيه الأواني البلاستيكية و المعدنية
و أهم نصيحة

لا تكثري غاليتي من الأواني اشتري ما تحتاجينه:

مثلا الطناجر جيبي وحدة صغيرة لشخصين
وحدة متوسطة للعائلة
و وحدة حجم كبير للضيوف

استغليت تحت النافذة و حطيت خزانة صغيرة فيها المؤونة : سكر عدس لوبيا...........في علب بلاستيكية شريتها في نفس اليوم و بنفس المقاس هكذا تكون متجانسة و تنحط على بعضها و ما تاخذش مساحات اشتري اللي سعتها 2 كغ عملية جدا جدا
في أدراج الخزانة حاطة المناديل و المناشف و الملاعق و الشوك في سلة خاصة مرتبة





و ملاحظة صغيرة في المطبخ حطي فقط الأواني اللي تحتاجيها يوميا و الباقي ممكن جدا تحطيه في البيبليوتاك كمعظم المنازل الجزائرية هههههههههههههه
و الخزانات اللي تتعلق ملاح لكن انا فضلت الأرضية لأنها تتحمل الثقل اكثر
و ممكن جدا تستعيني بهذه الأدراج عملية و سهلة التنظيف


يتبع بإذن الله

جبتلكم فكره

كانو عندي لوحتان خشبيتان قلت لزوجي يلصقهملي فالحيط دون تغيير او اضافه عليهم لاني نحب البساطه

و كانت النتيجه

mli7 ya3tikom alsa7a

جميييييييييييييييل افكار رائعة

انا اقوم بحفظ الاواني الي نحتاجهم غير في المناسبات تحت الكانابيات انا تاعي الكانابيات الي فيهم وين تخزن وهكا نقصت شوية من الضغط على المطبخ
اما الادوات والاواني اليومية حاطتهم في خزانة خاصة ليهم في المطبخ

ودودة ووووووووووووووو رذينة