عيد الأم هو اليوم الذي تكرم فيه الأمهات, وهو يختلف تاريخه من دولة لأخرى، فمثلا في العالم العربي يكون اليوم الأول من فصل الربيع أي يوم 21 مارس، أما النرويج تقيمه في 2 فبراير، أما في الأرجنتين فهو يوم 3 أكتوبر، وجنوب أفريقيا تحتفل به يوم 1 مايو. و فى فرنسا (اوروبا) فى يوم الاحد الاخير من شهر مايو. وفي الولايات المتحدة يكون الاحتفال في ثاني أحد من شهر مايو من كل عام. وفيه يتم عرض صور رسمها أطفال بين السادسة والرابعة عشرة من عمرهم وتدخل ضمن معرض متجول يحمل اسم "أمي" ويتم نقله كل 4 سنوات يتجول المعرض في عديد من الدول.
وعند الشیعة خاصة في إيران یوم میلاد فاطمة الزهراء، بنت النبی صلی الله علیه وآله وسلم، یکون عید الام وعید النساء. احتفل به بعد "الثورة الإسلامية" فی ایران. فی مثل هذا الیوم 20 جمادی الثانی، حيث يعطى الأبناء هدية لأمهاتهم، فيما الأزواج يعطون هدايا لزوجاتهم. عادة يتناولون الطعام خارجا ویهدون الزهور للنساء.
وهذه قصة بداية احتفال العرب بعيد الأم
عيد الأم
الامومه فى حضارة مصر القديمه.
مصطفى امين صاحب فكرة عيد الأم فى مصر
عيد الام ، عيد سنوى بيحتفل بيه فى مصر و اوروبا و امريكا و بلاد كتيره فى العالم. فى مصر بيحتفل بيه فى يوم 21 مارس لتكريم الأمهات بدأ الاحتفال بيه سنة 1956. اول دعوه لعيد الأم فى مصر قام بيها الصحفى و الكاتب المصرى مصطفى امين سنة 1943 فى كتابه "امريكا الضاحكه" لكن ما حدش وقتها اخد باله من الفكره لكن بعدها بعشر سنين راحت واحده ست لمصطفى امين فى مكتبه فى "اخبار اليوم" و حكت له عن قصة كفاحها فى تربية ولادها بعد ما اتوفى جوزها و ما اتجوزتش و كرست حياتها لتربية عيالها. و بقى ابنها دكتور و بعد ما خطب واحده دفعت له المهر و فرشت له الشقه لكن للأسف لما عزل لبيت الزوجيه مشى من بيت امه من غير حتى ما يقولها ميرسى.
اتاثر مصطفى امين بالقصه و فكر فى جحود الاولاد فإبتدا ينادى تانى بفكرة الاحتفال بعيد الأم لتكريم الأمهات. اياميها كانت افكار العروبه لسه مسيطره فى مصر عن طريق الپروپاجاندا اللى النظام الناصرى كان مدورها وقتها و مالى بيها روس المصريين ، فهاجمت الجرانيل مصطفى امين و اتهمته بإنه بيشغل المصريين عن موضوع غزو تركيا لسوريا، و جمال عبد الناصر نفسه اللى كان وقتها ملهى و لاهى المصريين فى مشاكل العرب بدل ما يشوف مشاكل مصر و ينهض بيها اعتبر فكرة الاحتفال بالأم و تكريمها فكره سخيفه، لكن مصطفى امين استمر فى دعوته و راح لكمال الدين حسين اللى كان وقتها وزير التعليم و عرض عليه الفكره. كمال الدين حسين كان بيحب أمه قوى فقبل الفكره و رحب بيها و اتكلم مع جمال عبد الناصر فى الموضوع و قدر يقنعه لإن عبد الناصر كان بيحبه.
نجحت الفكره و بدأ الاحتفال بعيد الام فى مصر فى 21 مارس 1956. و استمر الوضع على الحال ده لغاية سنة 1965 لما عبد الناصر اعتقل مصطفى امين و سجنه، و خاف النظام الناصرى ان الاحتفال بعيد الام كل سنه ممكن يخلى المصريين يفتكرو صاحب الفكره مصطفى امين، فراح مغير اسم عيد الأم لعيد الأسره، لكن برقيات الامهات من كل النواحى انهالت عليه فإضطر إنه يرجع اسم عيد الأم.
فى عيد الأم بيهنى الأطفال و الكبار امهاتهم و بيهدوهم هدايا و ساعات بيتعمل احتفال اسرى صغير مليان بجو الحب و بتنتشر فى هوا مصر اغانى بتمجد الأم و من أشهر الأغانى دى أغنية " ست الحبايب " من ألحان الموسيقار المصرى محمد عبد الوهاب.
اتعرض عيد الأم و اسم عيد الأم لهجوم من المتطرفين الظلاميين عدوين الفرحه الانسانيه و الحب و بهجة الاعياد و بحقوق الستات وبالتالى الأمهات ، فقالو انه بدعه و ان كلمة "عيد" المفروض تبقى "يوم" بس عشان يفضو محتوى الفكره الجميله من معانيها و يقضو عليها، لكن العيد و اسمه استمرو و فضل المصريين يحتفلو بيه و يكرمو امهاتهم كل سنه فى 21 مارس مع بداية فصل الربيع رغم كل المحاولات الاستبداديه و الظلاميه اللى اتعرض لها العيد.
منقققققققققققققققول
الرئيسية 
من طرف 
الموقع
موضوع: عيد الأم 
